🚦 საგზაო ჯარიმები

თუ დააზიანეთ ავტობუსი, მიკროავტობუსი ან სხვა სახელმწიფო ტრანსპორტი — პირველივე დღიდან, სანამ სადაზღვევო შეკეთებას დაიწყებს, მიჰყევით ამ ნაბიჯებს:

1. გადაუღეთ დაზიანებას ფოტოები ყველა მხრიდან, უმნიშვნელო დეტალსაც კი.
2. მოითხოვეთ ტრანსპორტის ტექპასპორტი და გადაუღეთ ფოტო ორივე მხრიდან. თუ არ გაძლევენ — გადაუღეთ სახელმწიფო ნომერს ფოტო.
3. დანიშნეთ სამხარაულის ექსპერტიზა და დაადგინეთ მიყენებული ზარალის ოდენობა. მიღებული დასკვნა აუცილებლად შეინახეთ.
4. გარკვეული დროის შემდეგ დაგიკავშირდებათ სახელმწიფო ტრანსპორტის სადაზღვევო კომპანიის წარმომადგენელი და მოგთხოვთ ზარალის ანაზღაურებას — ხშირად არარეალურ თანხას. უარის შემთხვევაში ის მიმართავს სასამართლოს.
5. თუ სამხარაულის დასკვნა არ გექნებათ, სასამართლო იხელმძღვანელებს სადაზღვევოს მიერ წარდგენილი, უკვე აღდგენილი ტრანსპორტის ინვოისებით (არარეალურად მაღალი ფასებით), ხოლო თქვენ ვეღარ დანიშნავთ ექსპერტიზას, რადგან ტრანსპორტი უკვე აღდგენილია.
6. წინასწარ გაუგზავნეთ სადაზღვევო კომპანიას მეილი შემთხვევის შესახებ და მოითხოვეთ, ეტაპობრივად ჩაგაყენონ საქმის კურსში — აღსადგენი დეტალების ფასებისა და სათუნუქე-სამღებრო სამუშაოების შესახებ.
7. თუ თანხა მიუღებელია, შეახსენეთ, რომ გაქვთ სამხარაულის დასკვნა და მის შეფასებაზე მეტს არ გადაიხდით. მთელი მიმოწერა (თქვენი და მათი პასუხები) ამობეჭდეთ და შეინახეთ სასამართლოსთვის — რომ ვერ თქვან „არ ვიცოდით, დასკვნა ჰქონდაო".